WHY DID YOU GO? (CH - 2) by Ahmangaihi violette khiangte
WHY DID YOU GO? by Ahmangaihi violette khiangte Chapter - 2 "Damlo na deuh an awm a ni maw?" "Thi an awmin ka hria, ka lo chhoh laikhan ṭap thawm ka hria a, "Azoi'n a tih chuan ding chungin damdawiin tualzawl lam chu ka thlek vang vang a, ambulance ding leh mi ṭhenkhat lungngaih hmel tak tak te ka va hmu a. "Let leh phawt ang," tih leh inher ka rual a, "Lo han chho la, keiman ka zuk lei mai ang," a tih chuan ka hnial lem lo. Ka cabin lamah ka let leh a, Azoi awm loh vang nge mawni ka ṭi dui mai, damdawiin hi ka ngaina lo takzet. He ka awmna pindanah pawh hian mi engzah nge boral tawh ang ni, hmuh theih loh thlarau te hian min hual reng angem le? Ka pa ka han call a, a chhang thei lo, call nawn leh ka tum laitak chuan kawngkhar pawn lamah ṭap thawm niawm tak hi ka hria a, ka ṭhu ngil nghal awt mai. Ka pa bawk chu ka call ṭha leh a, rei dawn a rik hnuah hmeichhe aw hian a rawn chhang a, mak ka ti angreng viau, aw chu a thamin a la...
