HELLO LOVE goodbye (CH - 2)

 HELO LOVE, GOODBYE - 2 @violette

"Hmeichhe hmelṭha chu ka hmu ta in ka hria" kan kalsawn hnua a tih chuan nur zetin ka melh a, tinge maw mihring lerh deuh deuh hian min hual fur mai le.

"Jade kha maw, nia a chhelo a lawm Home coming queen nimai tur a nih kha" nui hak chungin ka ti a.

"Anih nang ve hi le, enge i dinhmun?" min en chhuk ran chungin a ti a, eng dinhmun nge a sawi ka hrethiam lo "Eng thilah?" darsan ak paha ka tih chuan "Chhang buai duhlo mai rawh ngaihdan ka nei sa a lawm mahse, lungngai suh i ṭhianpa ka awm tawh hi" ka dara min kuah salh pahin min pen pui hlawk hlawk a, a thahrui nghah zia chu tunah khan ka hrechiang hle, naupang chawr che ṭhin lutuk hian khawi aṭangin nge heng thahrui zozai hi a sawr chhuah ni!

Lehkhabu leipui a ngaih vangin banah kan haw ruala, Eva chuan lo kal ve a chak tih ka hrereng a, ka sawm duh lemlo a vir pilh dawn tlatin ka hria, chuloha Zeze nena kan pahniha han inzuikual vel chu a engemaw tih nawm riau a, min hmu tute chuan inngaizawng emaw min ti hlawm tih ka hrereng a, hmeichhe ho mita thikna awm te chuan minti confi hle bawk.

"Kha pa kha.....  Zeus kha ka duh a nia" Eva i Message chu en in ka ner nang a, hei pawh milerh dang.

"Ka pek theih che ni sela ka pe mai tur che ania" ka ti a.

"Ka duh, tihdan kawng zawng rawh Jade-i aia kan hmasak a ngai a nia, chuti anihloh chuan a buaithlak vek ang" a la ti zui ham ham a, Jade chu a huphurh nghal kher mai, a tel ve tawhna hi chu a buaithlak chawk reng a ni.

"Ka lo sawi dawn nia" ka tih chuan "Sawi ringawt chi nang" a lo ti leh ang lawi a.

"Tihdan kawng zawng turin min ti sia?" hriat thiamhar reuh lutuk.

Min rawn call a ka lak rual rualin "Thluak hmang ve deuh ṭhin teh Joshie, min inhmelhriattir rawh, Movie emaw Baseball, football engpawh en turin chhuak ho ang u , anih loh pawn Double Date, i Date tur ka lo ngaihtuahsak ang che" a ti zung zung a, a tih tawhna lamah hi chuan he nu hi a phichung zel, Jade rawn inrawlh vaih sela chuan a ṭi leh duk sia nga, khawngaihthlak chuan a.

"Date ka mamawhlo, ka nuin tuna i thilsawi kha hria sela a hau ang che" ka lo ti hlak a.

"Duhtak, i nu te chuan hmanlai rilru a pu a lawm" a tih chuan "Khatin sawi kher suh, Zeus hmuh i duh chuan naktukah hma deuhah lo kal rawh min lo sawm dawn" ka ti chu a phur kher mai. 

"Ka sawi chu i hria maw, Chance inpek te insawipui dan chi lam reng reng kha internet ah lo hai teh" nui hawk hawk chungin a la ti zui a, "Eva Homecoming a tan i inbuatsaih dawn lo a mi?" tiin ka thilsawi lai chu ka thlak a.

"Ka tum a lawm mahse, ka ti thei lo ang, Jade leh a ṭhiante hi.." a sawilai chu lo pawt chatin "Ṭhian zinga mi ka ni ve tawh i ti maw ka tia?" ka lo ti zauh a.

"Ka nilo aniang, Friday ah Diana te inah an Party dawna min sawm velo a" a lo ti zuai raih a, ka khawngaih reuh khawp mai, Co- Captain ṭhiana siam tuma a hmanhlelh veteh lul nen, a thawhrimna chu engmahlo mai anih hmel e.

"In inngaina viau tawh emaw ka ti a sin?" ka tih chuan "Sawi teh su Mason-i lakluh a tuma hmunawl siam nan ka chet phelhna a zawng reng a, keilah ka ṭha tulh tulh si a" nui hak chungin a ti a, Cheerleader ho buaina hi chu a sir aṭanga lo thlir tu nih hi nuam ka ti. Eva pawh hian Jade hi tlawnin ti ṭha chung ṭhin mahse, a ruktak chuan angaina chuanglo, Jade leh a ṭhiante chu an lar a midangte lakah an inluling leh bawk a,  ka ngainatloh zawng tak an ni.

Jade hi chuan min be ṭha reng ṭhin, a chhan chu topper ka ni a, ka note leh ka thiamna te chhawr ṭangkai a duh ṭhin vang a ni. A biak ṭhat leh duhsak nih chu kawng lehlamah midang te min hmuh dan a dang a chuvangin keipawn ka pui ṭhin a ni, Nicholaia bialnu hlui ka nih thu hre ngat sela chuan min belbul lo teh ang chu.

Eva nen kan inbiak zawh hnu chuan Attic ah fianrial hun neiturin ka kal a, chutah chuan Daniela ball pet ṭawk ṭawk ri hriattur a awmlo a, Guiter perhin hla te ka phuah thei ṭhin a, ka Private hmun ve a ni. Mahse, ka unaunu meizu hlarh hlarh chu ka han hmu tlat mai.

"Sandra.." ka ti chu a lo phu zawk a, a meizuk lai chu a nawr hlum nghal chawt chawt bawk a, ka hmu hman vek tawh tho sia. "Min pe ve teh" ka tih chuan phawk deuh ha in min en a, minlo pe ve mai bawk a.

"Tinge hetah i awma ka nuin lehkha i zir emaw a ti a sin, Tuition fee a to si zir ṭha rawh kan schoola i luh ve duh chuan" ka ti a, min ngaihsak lo fein mei chu a ṭan leh a, a ṭum khat zukna a nilo tih a hriat ngang mai, a zu thiam lutuk tlat.

"Joshie thil ka hrilh che a nga ka nu hrilh suh aw, nangmah chiah hi ka ring ngam che a nia" mittui tlingpam chungin a ti a.

"Enge sawila?" ka lo ti vat a.

"Jason-an min sual a" a tih chuan "Enga!?" ka lo ti nghek a, ka hmui a rawn hup nghal chawt chawt a.

"Bengchheng suh, ka nuin a hriat ka duh lo, Jason chu ka duh zia i hriat kha" a ti zuai raih a, a mittui a tling pam bawk. Jason chu a bialpa a ni a thlaruk vel chu an inzui ve tawhin ka ring, Sandra classmate a ni a kum 14 mi naupang zak zum leh fel tak angin keichuan ka lo ngai a chutiang thil ka laizawnnu laka a ti chu ka ngaidam hauhlo ang.

"A va han chak dawnlo tak, lungngai suh Sandra keiman zirtirna ka pe ang" ka nau kuah pah chuan ka ti a.

"A ngailo, Jason nen chuan kan inṭhen hleinem" a lo ti leh lawi bawk si a, a rilru ka hrethiam pha leh tlat tawhlo. "Tinge i rilru anat si, I virgin i hloh vang maw?" ka tih chuan a lu a thing a.

"Nilo, min nawr lui kha ka rilru ana a  mahse, ka ṭhen chuanglo ang, ka la duh tho a lawm" a la ti hram nia.

"Engtin nge a nawr luih theih che, inven dan i hre miahlo a mi?" ka lo ti bak hlar a.

"A tirah chuan Oral sex chauh kan hmang ṭhin a, mahse, kha mi ni khan Beer a in hnem deuh a, ka duh tawhloh hnuah pawh.." a ṭawng lai chu tawpin a ngawi vung vung a, thil awmzia chu ka hrethiam ta tho mai, han hnem vak ngaihna erawh ka hrelo.

A darah chuan kuahin "Lungngai suh, a ṭha leh vek mai ang" ka ti sap sap a.

Mut hmunah pawh ka ngaihtuah ta reng a, Sandrai a virgin tawh lo a, a chunga thil thleng chu a duhdan nilo mahse, a bialpa lah ṭhen a tum chuang silo, lungngaih pui tur nge lawmpui tur pawh ka hre tawh hrep lo e, keini ila min sualtu chu ka ṭhen chiang khawp ang le. Mahse, kei hi tun thlengin ka la Virgin chu ania, ka ngaihtuahna a thil lo lut chu "Tenawm" tih pahin anchhia ka inlawh zui hlak hlak a.

Zingah thawh ka hai a ka insiam mumal hman meuh lo, Eva erawh a theihtawkin a rawn vul a, a kawr tawngchham zet chuan a taksa a phuar mar ṭung a, Denim pawnfen chhing te fengin a inbun sang bawk a, a pian analh kher mai, a hmai erawh Makeup hlang a ni.

"Heti hian ti ila a ṭha em?" tiin a sam siam dan chu min zawt sek sek a, Zeus hmuh a lanṭhat chu a tum ngang mai.

Reilo teah Zeus chu alo thleng a a chhelo lehpek hle a ni, vawin chu Bike a khalh lo a a pu Car a khalh a, Car a ṭanga alo chhuak chu Movie a changtupa ang mai a hmuhnawm a ni, a sunglass la thla in kan lam hawiin a rawn nui a. 

"Nizana ka thilsawi kha aw" Eva in ka beng bulah a rawn ti nghal sar sar a.

"Eng tin nge ka tih ang?" hawi a heu chung chuan ka lo ti a.

"Ava mak....Okay..a hmasa ber atan Car hnungah ṭhu phawt rawh" tih pahin min nam zui a.

Zeus chuan kawngkhar min hawn sak thlap a, nui rah rah chungin Eva chu a ṭhulut a, kawngah chuan a thlun phelh ang zar zar a ni, Zeus nihna zawng zawng hriatkim vek tum anga maia dilchhut leh hneawm a ni. Zeus erawhin a chhang zat zat a, an nui dun leh hak ṭhina, ka awm velo ang maia an han inkawm chu ka lawm fahranlo.

"Zeze, vawinah Trial i nei dawn ta em?" ka tih chuan "Dawn e, i lo kal ang chu" a lo ti var a, Eva chu a lo phur leh ngang mai "I inkhel ṭhin maw, a van ṭha em i khelh ṭhin ka ring reng a ni, Ṭrial ah chuan i tling ngei ang, Joshie nen kan lo ṭawiawm dawn che nia" a lo ti zung zung a, ka kal dawn tih thu ka la sawi hauh silo a, a mak thawr thawr ṭhin.

School kan thlen chuan kan tlai ṭhelh a, hman hmawh takin class ah kan lut a, ṭhut thlenga ṭhutmai ka tum chu "Joshie a bula ka ṭhut angai ania" Eva chuan a lo ti leh pek a, Zeus an min lo en reng bawk si, tum bar chung chuan a hnungah chuan ka ṭhu leh ta nge nge a.

Ka hma a mi te pahnih in be sar sar reng chu ka ngaitheilo ringawt a, Eva pawh hian a ti ve mah mah in ka hria, Zeus lah hian a huatloh hmel nasa mai lehnghal a, an in awkfuh dawn tlatin ka hria a lawm.

Jade leh a ṭhiante an lo lut a, a bawp sei thlarh lang veka chhing thawmhnaw inbelin a sam buang sei tak chu a kalpahin a then siau siau a, a awmbawr pawh a langthui viau mai, kan ṭhutna lamah lo kalphei pahin Eva leh Zeus te dawhkan zawnah chuan a ding dat a. "Eva ka locker ah Campaign banner ka theihnghilh daih mai" meinei zeta Eva melh pah chuan a ti a, Zeus chu enin a nuihsang a, a thil tih awmzia chu hnunglam aṭang chuan ka lo hre chiang ngang mai.

Jade chuan dawhkanah chuan locker chahbi chu a thehthla rak a, Eva chu ni ila ka kal lo ang ka tih rilruk laimekin ngawi rengin Eva chu a tho a, tinge maw Jade hi an do ngamloh tlat le, a uite ang maiin Jade hian a Teammate te hi a ngai a, chuti chung chuan an tlawn rawn huam reng chu a ni vei tak sia. Ka nuin remti sela chuan Jade do tur hrim hrim pawhin Cheerleader nih ve hi ka chak ṭhin, tuna kan awmdan ah hi chuan inmil loh chhan tur kan nei miah silo a, han tih zui chiam hi ka tan a rem lo a ni.

Eva kal hnu chuan "Ṭhu ila pawi i ti em?" Zeus lam hawi chuan a ti nghalzat a, pakhat lah chuan i he loin a lo rem ti a. Zeus a lo hawi chho zawk chu ka lo ner khum nang a, a hmel chu vannei inti hmel te pawh a puin ka hria.

"Nizana ka thilsawi kha i lo ngaihtuah em?" Jade chuan a ti sar sar a, nizanah an lo inhmu hman der anih hmel, Nicholai a tel ve hram ka beisei.

"A lawmman a zir a niang" Jade awmbawr lianṭha tak nghawk salh paha Zeus an a tih chuan ka lo ṭhen sak a, Jade mizia hi a hrelo nge ni a, a lerh ve hrim hrim  vang zawk ni ang tih chuan ka ngaihtuahna a tibuai viau mai. Engpawh nise hmeichhe ṭhalo tak a nih thu chu ka hrilh ang, ṭhian induhsakna lantirna hun remchang a ni mai.

Eva lo let leh chu ka bulah a ṭhu tum bar renga, Jade awmbawrin Zeus a nawk thuak thuak reng a hmuh chuan a ner leh sak sak ṭhin a, a thik tih hairual a ni lo. Tlai deuhah Nicholai alo lut a, Jade leh Zeus te ṭhu dun chu a en duh viau a, a ni pawh a lawm vak loin ka hria, Jade erawhin a hrelo der hmak a, Zeus chu a be seuh seuh reng a, a ṭawng zawnga a taksa an insiksawi vel mawlh chu ka lo ngaimawh a. Nicholai a hmel hawihai chu a khawngaih thlak reuh khawp mai.  Zeus lah chuan engmah hre heklo Jade darah chuan a la kuah tak deuh deuh a.

Nicholai te ṭhian ho inbekbawr sar sar reng ka hmuh chuan thil ṭhalo a hnai tlata hriatna ka nei a, hei hi chu Zeus tan a ṭha dawnlo tlat mai, vawin ah Trial a nei dawn a Nicholai nena buaina a nei anih chuan atan a tawp nghal vek a ni mai.

Lunch break ah chuan Cafetaria ah kan inzui thla a, Eva erawh Banner tar an ngaih vangin Cheerleader ho bulah a kal thung.

"Zeze Jade hi i hrechiang miahlo a nia, hmeichhe fel a nilo" ka tih chuan a lo nui a, "Joshie boring viau suh" a lo ti a.

"Ka duhsak che a ka hrilh ve che anih chu Jade hi  hmeichhe fel a nilo a nia" ka ti nawn leh ngat a.

"Hmeichhe fel ka mamawh hleinem Joshie, nawmchen puitur hmeichhia ka mamawh zawk, jade hi chutiang chu niin i hre ve zawk em?" a thil min zawh chu awihlo zetin ka lo en a, eng ang zawhna nge ni ngai.

"A ngaihzawngin rem a tih a thu aniang chu" a hriatthiam tur ngei chuan ka ti zui a, a thil eilai dah meuhin min rawn en a, "Nicholaia bialnu a nih kha Team a tel i tum a nih chuan Jade hnaihloh hi i tan a ṭha ang" ka ti leh a.

"Boring lutuk lo teh Joshie, hmeichhia kawp turin an bialpa te phalna ka la ngailo tlat, an duh reng vangin hmeichhia te hian ka hma ah an kawr an phelh zawk ṭhin" inringtawk zet hian a ti a.

Ka sawipui peih tawhlo Jade chu a duh leh kawp sela, buai nuai nuai sela a nimai, keichuan ka tih tur ka ti zo tawh tlat.

Trial a neihna hmunah chuan ka va kalpui a, nimina an inbiak ṭhat ang he hu chuan an inbe thei ta chiah lo a niang Nicholai chu a tum deuh bur reng a, Zeus erawh engmah thlenglo ang hlauhin a awm a, a ngeiawm duh ngawt ta ve ang.

Coach chuan a tuka training zawm turin a ti a, Quarterback a tan an la a ni, Nicholai nen  an in el dawn tih a chiang ngang mai, ka lo hlauhthawn pui a amah lah chuan a hrethiam phak lo nasa mai bawk si. 

A tuk aṭang chuan Zeus chuan training a zawma, Teammate te kianga a awmloh chuan ka bulah a awm chawt a, Eva pawh ka bulah a awm tam phah a, Cafetaria ah lah kan inzui chawt a, Zeus chu kawm anuamin Eva tana nelawmin a awm thiam em em a, Eva lahin a ngaizawng nasa telh telh mai bawk a.

Thla chanve a ral meuh chuan Zeus chu School pumpuiin a hmelhriat tawh a, nitin in a lar zual zel bawk, hmeichheho ngaihzawn rawn leh mipa te thik rawn a ni, Nicholai aimahin Baseball a khel ṭha a, Captain anih na chauh chuan Nicholaia dinhmun chu a phehtir lo ringawt tawh. 

A bialnu emaw min ti fo a, amah lahin a nilo a ti duh lem silo a, nuam ka lo ti ru veng veng ṭhin. Zanah a lo leng fo a, a chang phei chuang zanriah a lo einghal mai ṭhina , a lo len chang chuan Video games kan khel dun a, a home work tih tur ka kutah dah a ching hle bawk, chhun lamah Baseball practice an ngawrh vangin a chau ve thei hle a chuti nilo sela chuan a Homework chu ka tih sak hauhlo ang.

Jade nen Rumours an nei zeuh zeuh reng a, chiang takin ka hrelo a ka zawh lahin min chhang ṭha duh hauhlo.

"Zeze lerh hian i tan chuan thil ṭha lo akeng tih Aunty in min hrilh a, chuvang chuan hmeichhia i Date dawn anih pawhin Jade kher ni chu beisei suh i duh anih phawt chuan hmeichhe dang ṭha zawk an awm ngei ang" ka ti a.

Ka sawilai mekin Jade leh a ṭhiante anlo lang a "Zanin kha dar sarih aw, a hmun tur address chu ka lo thawn tawh che kha" Jade chuan nuisak pahin a ti a.

"Ṭhian ka lo hruai thei angem, kawtthler hi ka la hrechiang lo a" Zeus an atih chuan "Lutuk  e mahse, pakhat chiah aw" no zeta Zeus melh pah chuan a ti a.

"I hria maw zanin dar sarih anih chu" Jade te kal hnuah a rawn tih chuan "Keimah maw...teuhlo lutuk" ka lo ti hlar a, party tih angreng hi ka kal chakna zawng a ni hauhlo. A bikin Jade leh a ṭhiante party ngat phei chu ka chaklo hul hual.

Eva nen kal mai sela aṭha ang ani a kal chak em em tak a lawm, Zeus chu ka hrilh a, a lo pawm ve mai bawk a. Eva ka hrilh chu a zuang lo chauh a ni "Ka hmangaih che Joshie i lo ṭha ber mai, hetiang tak hian i lo zei anih hi" a ti zui duah a, a ṭha vek e zei tih tal ka hlawh ve alawm.

Zanah chuan ka nu nen kan Tv show duh deuh kan en a, an kal dawna Eva in min lo text zawk tihloh kha chu kan inbe leh ta lo, Zeus nen chuan an va kaldun anga hun hlimawm tak an va hman dun ngei ka beisei.

Mu tura ka room ka pan laichuan inchung lama Sandra ang barh barh ri ka hria a, enge thil awmzia hriatchian tumin Attic ah chuan ka lawn chho ve thuai a. Sandra chuan phone hmangin tu emaw hi alo an khum mek hi a lo ni a, a bialpa anih ngei ka ring.

"Police hnenah ka report dawn che, pawngsual a ni a lawm, engkim i ti chhe vek Jason" ṭap pur chunga a tih chuan ka thaw alo hah tup tup a. "Sandra" zawitea ka tih chuan a lo phu zawk a, lehlam hawiin a mit a nuai chat chat a, chuti chung chuan ka phone chu a la hum ran  bawk a.

"Jason.." a tih leh chuan phone chu a tawp a ni ngei ang, inhrosa zui chiamin chhuata bottle chu tukverh te ah chuan a chhuih leng lawp a, a chet dan chuan minti ham haih lek lek a ni.

"Sandra eng buaina nge i neih leh tak?" chang fek fawkin ka ti a, a rai thu chu min hrilh loh hram ka beisei bawk.

"Jason nen kan inṭhen a tawp vek tawh Anna nen an lo inkawp ru reng a, vawin khan ka man chhuak a ni"  a sam ṭham nawk nawk pah a atih chuan a kut chu ka lo phihsak lawp a.

"Engvanga thinur nge i nih, nangmah zawk hian ṭhen hmasa zawk tur i nia sin, a lawmawm zawk daih ang chu" ka tih chuan min melhrum khai a.

"Joshie engmah i hrelo, i ngaihzawng lem mai mai i ṭhen ang kha a ni hleinem, Jason chu ka hmangaih asin" vin awka zet hian a ti a, chuti anih si chuan enge tuna ka thil hriat zawh tak chiah kha a awm zia ni a.

"I khawlo lutuk Sandra, i hua a nih chuan haw law law rawh, ka hmangaih a ka haw tho tih ang reng kha sawi tawh suh, ngaihzawng dang aneihsan che anih chuan hawisan ve hmak tur a lawm" ka lo ti leh a.

"I la tawn ve loh vang anih kha, ka thianghlimna ka hlan tih i hriat kha Joshie" a ti zawi ta sap a.

"Nilo e Sandra, a chhuhsak zawk che a lawm" ka lo ti thung. 

Enge maw chen chu Attic ah chuan kan ṭhu dun a, ka hnem thiamloh vangin ka fuihpawrh ngar ngar a, chu chu atan pawh a ṭhat zawk ka ring, Jason chu hua sela thlauh thla hmak sela a tan pawh aṭha ber reng a ni.

Sandra khumah kan mu a, zanin chauh chu ka riahpui ang, ka unaunu hian hnemtu a mamawh  a ni. Ka muhil dawn siar siar tih ah ka phone a lo ri a, Eva call a ni a an la haw lo a ni ngei ang, chu pawh chu nise minlo hrilh kher chu  angai tawh hauhlo mawle.

"I hun a i ṭan e" meng ṭha peih manglo chuan ka ti a, lehlama thawm chu a ṭha ham ham kher mai. Ka sana ka en zawk a zanlai a pel der tawh leh nghal a.

"Joshie ..." a kalsawn a niang thawm ring lutuk pawh a zawi tial tial a, a ṭawng pawh ka hre fiah thei ta deuh. "Sawi vat rawh, ka mut a chhuak a nia" ka tih chuan a nui kar kar a.

"Zeus leh Nicholai an insual a" a tih chuan ka meng bial kawk a ni ber, "Chuan engtin, ana em?" ka ti nghal zat a.

"Na lo, tunah tak hi chuan an inngeih leh tawh zawk, chuan maw Zeus nen kan infawp a sin, Jade in minlo tibuailo sela chuan kan thleng thui khawp ang" a tih chuan thawk ka lo la hak a, ka beisei ang aia a han kaltluan chu le.

"Ka lawmpui che" ka lo ti zawi sap a, ka rilru tak phei chuan ka thik rilru lek lek mai, Zeze chuan kei aimahin Eva a ngaipawimawh anga ka chuang reng mai dawnin ka hria. 

@violette