HELLO LOVE goodbye (CH - 3)

 HELLO LOVE, GOODBYE - 3 @violette

Eva chu ka lawmpui zawk tur a ni lawmni Zeus a duh zia ka hria a, Zeus-an a ngaihven ṭan chu a hlim em em laia huphurhna rilru lo put chu ṭhian tih tur pawh a nilo. Mahse, ka thik hlur mai bawk si hi ka hrethiamlo Zeus hi ṭhian ang hian ka lo en lo em maw ni zawk ni?

Ka inti tatu riau ṭhin a chu chu ka zeplo, School leh a chhevelah kan inzui kual chawt a, kan kal duna kan haw rual leh bawk ṭhin a, hmeichhe dangten biak ringawt pawh an chak laia amah hnaih taka ka awm thei bik hi min thik ve ṭheuh tih pawh ka hria a chu chu nuam ka ti a ni.

Mahse, Eva nen an inkawp chuan ka telve reng a rem tawhloh na chen a awm dawn a chu chu hrehawm ka tih chhan chu niin ka hria, keimah zawk hian ka lo ngaizawng ru reng tawh zawk a lo nih dawn hi!

Zeus chuan hria sela min haw ngawt ang le, ṭhian ang taka a niin min en laiin kei erawhin a lakah rilru dang daih ka lo pu chu a ni tak sia, a hriat hunah chuan min kawm duh tawh hauh lo ang le. 

He thil hi ka hriattir tur a nilo, mahni hmasial leh zaktheilo taka ka duhna tihlan aichuan Zeus leh Eva te nena kan inṭhianṭhatna vawn tlat chu kan vaia tan a ṭha zawk, Zeus chang niloin Eva nena kan inkar pawh a chhiat phah thei tlat si a ka rilru puthmang hi chhe te pawh a ka tihlan a remlo a ni.

Khami zan aṭang khan Eva chuan a atchilh zuala kan awmdun tawh chuan titi dang a leng meuhlo, Eva rilru a chian em em laiin Zeus erawh ka hrethiam chiahlo, Eva a be ṭha em em reng a chutihlaiin a tu a te mah biak chhiat a nei chuanglo, amah be ṭha tu apiang a be ṭha ni tawh maiin ka hria.

Jade nen lah inngaizawng emaw tih tur khawpin Rumours an nei ve reng bawk si. Miṭhenkhatin a bialnu emaw min tih ang chiah hian hmeichhe dang dang pawh chutianga ngaihtheih tur khawpa khawsakpui a ngah a, a awmdan ah lah uchuak taka tumah chhai kual a nei a zeng pawh a nilo. 

Hei hi Zeus chungchuan ve na lam tak a nia nge. Min ngaizawng ta emaw tih tur khawp leh Special deuh taka mi inngaihtir dan hi a thiam riau a ni, a hmuhloh lam aṭanga lo thik em em bak keilah chuan tih theih ka nei der lo, ṭhian inlaichinna ka thlang zawk anih chuan amah hi hnaih lutuk loh a ṭha in ka hre bawk.

**

Zan khat chu keimah chauha Attic a ka awmlaiin Sandra-in min lo ko a, "Joshie, Zeze a lo kal ania" a lo tih chuan mak ka ti lek lek a, zanin angah chuan a Teammate te leh Cheerleader ṭhenkhat te nen khawiah emaw an Party ṭhin a chu chu Friday zan a pianga an tih dan ṭhin a ni, min sawm ve fo a ka kal ve ngai lemlo a, chuti chung chuan min sawm ve ziah tho a zanin pawh min sawm a tum anih ka ring.

"Hetah lo kal tir mai rawh" chhukthla hran lemlo chuan ka ti a, Sandra let hnu lawkah ani pawh chu a lo lang nghal thuai a.

"Wow...Fianrial hmun maw, a chhiat lemloh hi.." nuisuk chungin a ti a, rawn kun lutin Attic chu a en kual thuak thuak a, tukverh te awmna bula ṭhutphah dup mutmai theihna ka dah ah chuan a lo ṭhu nghal zat a, ka cigarette inchhawp chu a melh fuh chat bawk.

"I Party turah ka lo ngai a" ka tih chuan "Ka ning a ka lo haw" a lo ti mai a. Ani meuhin ka ning a han ti chu ka nuih a za a, a awm anglo ka ti.

"Naktukah minlo pui hman angem, Justin nen Apartment luahdun kan tum a" a ti a. Justin chu a Teammate a ni, mipa hawklak leh sual tak hmeichhia pawh zahpah lemlo chi Party boy leh rui thle reng mai chi a ni a, ka ngaina lo hle bawk.

"Justin lo luahpui tur i nei hlawllo em ni, chu loah i nu i hrilh em?" ka lo ti vat a.

"Ka nuin a hriat angai hleinem, ka pi unaunu fapa in min fina kan tam deuh a inthiarfihlim ka ngai a lawm" a lo ti a. Zalen a chak vang hrim hrim chu a ni biklo anih hmel.

"A ṭha alawm ka lo tum dawn nia" ka ti ṭha ve mai a, a kal leh mai dawn emaw ka tih laiin a ṭhu ve ta reng a, a phone khawih pahin a nui leh suk suk ṭhin a hmeichhia a bia a ni ngei ang.

"Chuan...Tu chiah maw i Date a?" ka tih chuan a lo hawichhuak a, meng rang ralh chungin min nuih a "Tute nge tih zawk?" alo tih chuan ka lo ner khum ve thung a. Pakhat  chiah a Date dawnlo tih te chu sawi kherlo mahse a chiang reng tawh zawk a sin mawle.

"I hnehsawh hle mai, tute nge an nih a?" ka tih leh chuan a nui chhuak hawk a, "Joshie, i thurawn ka lak angaiin ka hria" nui hawk hawk chungin a ti a.

"Engthil ah?" ka lo ti nghal zat a.

"Hmeichhiate lo hnar hi ka tan chuan a har a ni, duhawm tak leh inngaitlawm tak hi ka hnar theilo an duh chu ka pe mai ṭhin tih i hriat kha mahse, min ti chau.." a sawi laklawh laichuan ten zetin ka lo chek hlak a. "Ngawiteh ngaikawi suh" a lo ti vata, a sawidan chu ngaihkawiloh theih a nilo.

"Sawi zawm tawh suh ka ten che i duhloh chuan" ner nang chungin ka ti a.

"Ka sawitum chu hetiang hi ka ning tawh tih hrilh che ka tum zawk a lawm, nangin min thlan sak rawh, hmeichhe pakhat chiah ka hmangaih theih tur hmeichhia" a thilsawi chuan minti bangbo riau mai.

"Chuan i bialnu te i ban vek anga hmeichhe pakhat chiah i nei ang tihna maw?" ka tih chuan a lo bu nghat a.

"Aw..chutiang chu ka nu hnena ka hmelhriattir theih tur ang chi, ka tan hi chuan an in ang vek a, a awmbawr leh mawngbawr bak hi danglamna vak ka hrelo" ka lo nui chhuak hak a, mipa ho hi chuan chubak chu an ngaihtuahlo tak tak a ni.

"Zeze...tisa thil ringawt i ngaihtuah vang a nih kha" ka tih chuan a dar a lo chhin ak a. "Ani mahna le" a lo ti sap a.

"Eva nge Jade hi ṭha ang? Eva chu i ṭhiannu a nia i pawmlo anih chuan Jade pawh a ṭha tho" nui lek lek chungin a ti a, chhungril lamah hian engemaw hian min ṭhamin ka hria.

"Jade chuan bialpa a neih khâ" ka lo ti hap a.

"An inṭhen tawh a lawm, Jade hi hmeichhe zei tak leh ka duh zawng tak a ni mahse, ka nu hmelhriattir a tan chuan ka duh silo a" a mitmenga min râwn chung hian a ti a, chuti anih chuan Eva lam hawi a tum a ni mai thei, ka ngaituah zawng chuan thikna in min rawn ṭham er er mai.

"Ṭha i tih kha a ni mai a lawm, ngaihdan ka nei lo e" hawisawn hmak pah chuan ka ti a, ka Note ken lai chu ka bihsan vut bawk a. Ka va en leh lai chuan tukverh lam hawiin a ngawi vung vung a, a inngaihtuah ngun hmel viau mai.

Enge maw chen chu inbe loin kan ngawi reng a, a ṭhutna ah chuan muin tukverh lam hawi chuan a saisir ngat a, keipawn ka be chak biklo, a thil min hrilh te khan min to tawt ṭun a ni, amah duhna rilru keimaha awm hi ka lanchhuah tir ve thei ngang bawk silo a. Chu chu hre miahloin ani lah chuan a ngaihzawng tur te min thlantir vel chu a nia, tawrh nuamlo tawk lekin min tina veng veng a ni.

"Joshie, ngaihzawng neih i tumlo em ni?" ka lama rawn inleh thak pahin a ti a. 

"Senior high ka chhuah hunah ka ngaihtuah ṭha ang, College ṭha taka ka kal theih nan lehkha zir ka ngai a lawm" ka lo ti mai a, a hmel phei chu ka en duh lo, a mitmeng paw riai hian ka awm a ti nuamlo ṭhin, ka feelings thup a ti harsa ziah bawk.

"Tu emaw duh te hi i nei ve ngai reng reng em?" a tih leh chuan ka nui sak a, "Nei tehreng mai" awlsam fe in ka lo ti a.

"Ka hriat ve a rem em?" a ti leh a, a hmel chu ka en zawk a, ngun fahrana min lo en chuan ka mit ka la sawn leh thuai a, 'Mawla, nangmah kha' ka rilru a ti chung chuan ka nui leh a, ka chhanna nghakin min la en reng thung.

"Keimah chiaha ka thuruk a nia, tuman an hriat a remlo" ka tih chuan a tum bar a. 

"Amah tal i hrilh em?" a zawhna chu lu thing chungin ka chhang a.

"Mahni inhremna anih chu Joshie, ti teh nun hi a tawi a nia i chen theih lai hian chen rawh, hetiang renga i awm chuan nakinah tun hun hi ila ngaihtuah let anga i vanglaia i tihloh tam tak te kha tih i la chak ang, tun ang hun te hi kan tawng leh tawh dawnlo, i mipa duh chu hriattir rawh" thutak fe hian a rawn ti a, a thilsawi chu enge ka tan anih a hrepha hauhlo a ni. 

"Ngaihzawng dang a nei a lawm" ka ti zuai raih a.

"Chhuanlam a tlinglo, ngaihzawng a nei tih mai mai, tlangval a nia anei bawk ang chu, chuvangin i duh ve thianglo tihna a ni hleinem, i duhthu hriattir ringawt a lawm i tih dawn a nin a duh a lo thlang mai ang chu" a lo ti leh hmiah mai, hepa hian a chung chang ka sawi ang tih pawh a ring pha miah nang, amah hi hrilh ila engtin nge angaih zawk ang le?

Zingah chuan Breakfast pawh eiloin  kawtthler pathumna lama Pu Bailey a in chu ka pan a, ka va thlen chuan Zeus leh Pu Bailey a te nupa chuan an kawta Van ah hian engthil emaw hi an lo thiarlut mek a, ka tlai hram pek a nih hmel e.

"Sarah Jane-i fanu upa ber kha a ni maw, hmuh i nuam hle mai Bawihi" Pu Bailey chuan a lo ti var a, kawngka a Zeus lo chuak ve mek chuan thil a pawm bawr luk a "Inchunga High Chair pakhat kha lo keng chhuak rawh" a tih chuan ka che ve nghalthuai a.

Motor a anlo inhlan luh deuh vek tawh avangin tih tur vak a awm tawhlo a, kan zawh hnu chuan Zeus chuan Motor chhunga ṭhu turin min hrilh a. "Lo kal ve a ngailo maw?" Pu Bailey a nupuiin a tih chuan "Ngailo e pi, kan inremfel hunah ilo leng zawk dawn nia, ka lo hruai vat ang che" a pi bianga fawhsak zauh pahin a ti a.

An Apartment luah tum chu veng lunlaiah tak a ni a, a bul vel chu night club leh zu dawr bakah dawr lian tak tak in a hual vel a, inchung sangah chhawng 9 na ah a ni. 

Thil zang te te chu Elevator ah ka pawm lut a, vawi hnih lai chutiang chuan ka ti a, Justin awmlo mahse Zeus a cousin in min puih vangin rei phei chu an thiar lo, ka chêt ve hlekin lo awm mai mai rawh a ti zel a, bungrua an thiar chhung chuan inchhung lam chu ka theih ang angin ka lo remfel sak a, an Apartment chu a zau khawp mai, Justina te an hausa bawk a Zeus lah khawsak nuam ve tawk tak an ni bawk a an Afford zo dawn lutuk tih hre mahila pahnih lek chennan hetianga to Apartment luah hi ṭul ka ti hranlo viau thung.

Lunch atan Pizza kan order a, Zeus a cousin Mark chuan kan insingsak fel hnu chuan min hawsan zui a, tih tur em em a awm tawhloh vangin Couch ah chuan thatchhe zetin ka ṭhu rih a, chuta ṭang chuan pawnlam chu ka thlir vang vang a, khaw hawi a nuam kher mai, thlanglam tukverh darthlalang chu lianpui mai leh khawthlir rem zet hi a ni a, zanah chuan a lang mawi viauin ka ring.

"Justin nen chiah in ni dawn tak tak maw, nula rawn insuan lut tur an awm em?" fiamthu ti tak deuh a ka tih chuan a thawmhnaw khai lai dah meuhin min en a, "Kartawpah chauh" ti a minlo chhang chu ka ngei ru hle.

"Ka uang anih kha, kar tawpah chuan intifaitu a lo kal ṭhin ang" nui chungin a ti ṭha leh a, keipawh ka lo nui ve sak a.

"Zeze..Justin hian damdawi a khawih in ka hria a nia ka ngaihtuah khawp mai che" hlauthawng ru tak chuan ka ti a, Justin nena in an luah dun tur hi ka la tui thei hlawllo a ni.

"Justin nen chuan inremna kan nei, Apartment khatah cheng mahila a tu ve ve mimal nuna inrawlh loh kan tia, nangpawh i duh chuan i lo leng fo thei ang" a lo ti a.

"Coffee i induh em?" tih pah a ka tho chu "Beer ka lo duh zawk ang, veilamah khan a awm" a Beer dahna kawh zauh pahin a ti a, khua a lum bawka Beer chu in ila pawitihna ka nei biklo, chhun nisat laia Beer vawt raih in hi chu ka ching ve fo mai.

Chhuatah chuan couch nghenchhana ṭhu chungin  Beer chu kan in a, Tv kan On tak nain kan titi tui em vangin enge kan en chu ka hre mumal lo, kan lem nual hnuah phei chuan ṭawng kan inchanlo a, a fiamthu nuihzatthlak tak tak chu pum na vekin ka nuihpui a, Beer puarin ka puar a ni ber tawh.

"Justin chu a va lo thleng har ve" ka tih chuan "Kartawpah chiah a lo lut ang, a chhungte Nashville a an let hunah" alo ti a.

"Khai a..chuti chu i van free dawn ve le Eva-i lo hrilh turin min duh em?" melhralh paha ka tih chuan a lo nuisuk a.

"I mipa duh kha i hrilh ta em?" ka lam hawia a rawn tih chuan aih tih nan lu ka lo thing a. "Hrilh chu i tum ta lo a mi?" chik zeta min en pahin a ti leh a, ka awm a tinuamlo nghal rawih mai.

"Hrilh ila min duhlo ta se hrehawm ka ti dawn emai, hrilhloh zawk ka duh" nuisak chunga la tih chuan a hriatthiamloh hmel hle a.

"Engvangin nge a duhloh tehlul ang che" a aw chu a changin a khauh viau a ni.

"Min enla ka ṭhatloh em hi, hmeichhe dangte angin ka pian analh ve lo a ka sexy lo bawk" ka sawi laichuan nuihza lek lek hmel pu hian min lo en a. "Hnawl nih aichuan hriattir loh mai hi a ṭha" ka lo ti leh a.

"I nalh lutuk a lawm Joshie i hmelchhe miahlo bawk, sexy kher angailo i duhawm a, i rilru aṭhain i bula awm a hahdamthlakin a nuam hle bawk, chu chu mipa ten kan zawn ber zawk a ni, hahchawlh theihna hmun" thu tak zeta min en chung hian a ti a, a mitmeng paw ram chuan ka thinphu a tirang dup dup maiin ka hria.

"Tikhan inti ve mai mai a mahse, hmeichhe nalh leh sexy tak lo chu in duh leh ngai chuang hleinem" ka Beer kenlai sip zauh pah chuan ka ti a.

"Mipa zawng zawng kan in ang hleinem" a lo ti hmuk a.

"Mipa zawng zawngin chu tiang chuan in sawi" ka lo ti ve thung.

"Ka ni ve lo, keichuan Jade-i te ang niloin nangmah ang hi ka nupui tur a tan chuan ka duh" a Beer a lem ri khalh a, kei erawh ka lungphu a sawt chhuak lo chauh a ni!

 A hmuhloh lai chuan ka hmui petin ka nui ru var var a, a thilsawiin min tih hlim zia hi a hrethiam ve phak silo a, tuna ngaihtuah lemlo zeta a ṭawng te khan ka thisen zam zawng zawng hi a fan rawih rawih tih te hi han hria sela a sawi ta kha a inchhir a ngem le tih te chenin ka ngaihtuahna ah chuan a lo lut hman a.

A Bike-in min thlah a, vawi engemaw zah chu a Bike ah pawh kan inphur tawh nain vawin chu a nuam zual riauin ka hria, a kawnga va kuah deuh chawt chu chak viau mahila ka ngam ngang silo, a kawrah chuan ka invuan bet ṭung ringawta chu pawh chu ka hlimpui viau tho a ni.

Ka nuin zanriah eive nghalturin a sawm a a hnial biklo, eirawngbawl chhungin Popsicle kan siam a, a naupan laia apa nen Ice cream an siamdan te sawiin Sandra leh ka nute nen a ṭawng kan ngaithla ṭhap a, mi zakzum tak ani lo bawka kan inah chuan a tlangnel tawh viau mai.

Zanah chuan rei awm tawhloin a haw nghal thuai a, a Teammate ten Apartment thar lawm an duh si a Justin-an a awmloh laia an lo tihsan a phal tlatlo a chuvang chuan hmundangah chhuahpui a tum thu a sawia, a kal chhuahhnu lawkah Eva-in min lo Call ve zat bawk a.

"Zeus a insuan chhuak tih i hria em, ka hrechiang biklo na chu Mason-i leh a ṭhiante sawi a nia ka hriat, nang a hrilh che em?" a lo ti nghal bawrh bawrh a.

"Nia..vawin khan" ka lo tih chuan a chek hlaka. 

"Ti mai mai teh suh Joshie a address min hrilh teh" a tih chuan ka hmui ka petsawi zauh a, Eva hian tinge maw hetiang mizia hi a neih tak le, Cheerleading Squad a a tel aṭang hian a zia hi a dang zo vek a, Jade leh a ṭhiante bula a awm tam lutuk vang anih ka ring.

"Justin nen Apartment an inluah ṭawm a" ka tih leh chuan "Shtt....Zawng phiangsena  chu..a pawilo min pe tho teh" a ti zui zat a, Justin chu Eva ngaihzawng ṭhen hnuhnung ber a ni, Justin an a ruih laia kut athlak vanga inṭhen an ni bawk.

Kan inbiak zawh chuan Text in Address chu ka thawn a, lawmlo sateh mahila a pekloh theih siloh a, ava kal anga engtin nge an khawsak ang tih ringawtin ka rilru a luah a, hmeichhia in an duh a nih phawt chuan mipa chu belchhunga sa a ni dawn tih lah a chiang reng si, thildang ngaihtuah theilo lekin chu thil chu ka ngaihtuah bir ngut ngut reng ringawt.

Ngawi teh Zeus chu a Teammate te nen an chhuak daih dawn a lawm mawle. Ka nui chhuak hak a ka va lawm tehlul em, Eva chu a kalthlawn chiang ve ngawt ang chu, duh leh kal thlawn mai mai tehse a awmloh tur thu chu ka hrilh peihtawh si se lo.

Mahse, a tukah chuan Class banah a lo zui haw ta hram a, Zeus te ban tlai dawn vangin ka haw san a, Subway a ka luh kawi zawk laiin Eva chuan min lo Call a, Zeus nen an haw dun dawn thu chu intithei takin a lo sawi a ka haw lek lek mai, ani lahin ka huat a tana sawi erawh a ni der silo a, keini hi kan diklo vel vek mai, keima thiamloh zawk tak pawh a ni.

Zanriah eikham chuan Eva chu ka va Call ve ta thung a Zeus-a Apartment aṭangin a lo la haw miahlo lehnghal a, enge chu chen chen a tih chu ka hrethiam lo kher mai. "Eva riah nghal i tum em ni?" thawk la hak chunga ka tih chuan a nui har har a.

"Practice na ah a inhliam deuha Damdawiinah ka kal pui a kan thleng ve deuh chiah a lawm, zanriah eikhamah ka haw ang, engpawh nise Joshie  an Apartment hi nuam tak a ni, khaw thlir a nawm bakah a hmun hi a nuam thlawt" a ti ham ham a.

"Engtin nge a inhliam na viau em?' ka lo ti daih thung. "Na tawhlo, a ban ah tlem an ṭhui hlek chauh" a tih chuan ka lo thaw huai mai.

"Aṭhat chu mahse, Eva khatia itih huam reng chuan a ning mai ang che tihdan tawk thiam teh" ka ti zui hlak a, eng he hu ah phei chuan a ngailo.

Rilru bet manglo zetin ka mu a, Eva chu a haw ang nge a riak nghal ang tih chuan ka rilru a kap leh run ringawt tawh, ka awmdan hi ka ning takzet zet a ni.

Zinga Zeus lo kal chu ka lo melh rum hle a, a mut khamlo hmel te chu ringhlel zetin ka lo en bawk, ka melh dan chu ani pawn a hrethiam a niang "Enge maw?" a lo ti hluk a.

"I chauh hmel hle mai" ner nak chungin ka ti a.

"Ka mu tlem lutuk a" a Bike tih nun pahin a lo ti a.

"Anih hmel kha, Eva nen in inzui haw tih zep angailo aw aman min hrilh tawh alawm" nuisak chunga ka tih chuan a dar a lo kan ak a, min chhang ṭha duh derlo.

School kan thlen rual chuan kan kal hranga, kartawpah inkhelh na tur pawimawh an neih vangin class ah a ṭhulo a, nilengin kan inhmu zui ta lo.

Banah erawh Quad a kan kal laiin kan lampana a Bike lo tlan chu ka lo hmu vata, "Ka zui haw dawn" ka beng bulah Eva chuan a lo ti nghal sar sar a, Jade pawn a lo melh rang khawp mai.

Ka bula a Bike a lo din rualin keichu min rawn en a "Joshie, min lo zui lawk la" a rawn ti ta tlat mai, ka va han intithei ru mai mai. Ka nui hmel a lan loh nan ka inpet fan fan a ni ber e.

Jade mengtur khai chu Bike a lawn pah chuan ka han melh zauh a, Eva erawh hrilhhai hmel a pu deuh a mahse, a nui leh vat thung a "Enge in tih dawn?" Zeus en chung chuan a ti a.

"Grocery shopping...a ngaihna ka hre chailo" Eva en  a atih takah chuan "Oh..va kal ru kan inhmu leh vat dawnnia u" kei leh Zeus min melh tawn zak pah chuan a ti ta a, kut min vai leh zauh pahin Jade leh a kawi te kalna lamah chuan a tlan zui hlawk hlawk a.

Zeus Bazar pui chu a nuam phian mai, ka duh duh ka thlanga a niin a lo keng zel a, ka ban phakloh chu ka kutin ka kawk kuala ka Body guard ang maia a awm chu midang awm ve te chuan min en duh viau  bawk. A sangin a paliana mi mit la tak mipa hi chu a ni hranpa ve hrim hrim a, a bula ka kal chuan ka tilangsar zual bawkin ka hria.

"Avocado i duh em?" ka tih chuan a lu a thing a, "Thil hrisel tak ania sin" tih pahin ka la lui ta tho a, engmah phei chu a sawi zuilo. 

"Tinge Cart i hman mai loh?" ka ti lahin "Ka khai thei a lawm" a lo ti mai a, ka darah min kuahin min kalpui dat dat a inngaizawng kan ang riauin ka hria, a nuam tih chu ka Feelings ka sawi thiam dan ber a ni.

Sa lam chi ka enkual lai chuan intur lam a lo en a, Wine hi a ngaina sawt riau a infiammi anih vangin in tam lo sela ṭha ka lo ti ve ngawt a mahse, Justin te Nicholai te a kawp miaua in loh chu a har khawp ang le. 

Chawhmeh ka lei zawh chuan Cart chu ka la ta tho a, a bula ka va kal hnaih chuan duhzawng ka nei ve em tih min lo zawt a "Beer chiah ka in" ka tih chuan awihloh hmel fe a min en in "A pawilo zanriah ilo ei nghal dawna tlem a zawng i in thei ang, i nu bulah ka zep sak dawn che nia" a lo ti a.

Wine bottle inhung ho chu ka thlek kual a ka hriatthiam loh lam tak a ni "Ka hre ve vaklo, ka la tem lo a" ka tih chuan "Ka thlansak ang che" a lo ti vat a, "Jin leh Tonic tihpawlh aw, i ngaina ang tih ka chiang" confi hmel zeta a tih chuan ka lo bu nghat a.

Bill pe tura ka in tlar lai chuan hmeichhia deuh hlir an intlar vangin Zeus a kal chu ka pawt let a a Card chu laksakin keimah zawk chu ka intlar a, kan tam avangin kan rei hrep lehnghal.

Ka sirah chuan dingin a phone a bih ngar ngar a, ka pen rualin zawi te tein alo pen ve a, kan bula miten an en hrek hrek tih chu hre awm pawhin a langlo.

Kan piah deuh aṭang chuan hmeichhe samsen pakhat hian ka hnung chiaha ding a ṭhiannu chu a lo au a, "I hman dawn tawh em ka hman tawh a nia" a rawn ti a.

Ka hnunga mi chuan "Min lo nghak lawk rawh ka hun a thleng ṭep" a lo tih chuan chu samseni chuan "Hman hmawh rawh, ka nghah i duh chuan i hmaa mi kha kal pel rawh" a lo ti mauh mai, keipawh chuan ka va en nghal hrawk nghe nghe a.

"Ngawiteh ṭhiani kan vawikhat inhmuhna ah chuan min zuam mah mah lo maw" lawmlo awka zeta ka tih chuan hawi sang fe hian min rawn pan a. "Eng thil maw i sawi kha Nau-i" hnai set sawtah hian a rawn ti a, zu rim a nam huam huam bawk.

Tawlh hnung hrat chungin a hmel chu ka en ren rawn a "Eng nilo e, kan vawi khat inhmuhna ah chuan min fiam na mah mah in ka hria, fiam hi ka dawl vaklo a" ka ti leh ta ngat a, a nulian bik vaklo a mahni tiatpui na na na chu inhnuaichhiah tir ka tum bik hauhlo mai.

 

"Anih chuan ti chiah i la" a kut hum ruhin min rawn tin nghal uaih a, keipawh ka awm mai mai biklo, a kut chu lo manin a lo chet zawm tur chu ka lo danga, kan insual chu a ni zui der.

Thawk leh khatah ka kang lawpa, Zeus chuan ka kawngah min pawm kangin Samsenin min rawn ban a tum chu min lo dah kiang zel a, thei leh theiloin keipawn ka ban ve ṭawk ṭawk a mahse, kan insual hleithei derlo, Zeus chu a chak bawk si a, hnehsawh zetin a kut lehlamin kei min pawm kanga lehlamin Samseni a dang char char bawk a, ka thinrim chu ka tal ve fat fat chung pawhin ka talchhuak thei derlo.

Security Guard an lo kala min rawn ṭelh tak hnu chuan Samseni chu an hruai hrang zui a, a rui zawk ani bawka keichu ka thiam zawk tih an hre thiam ve nghal mai a.

"Ka chhuk duh tawh" Zeus a kut ben thawk pah a ka tih chuan min dahthla ta hram a, ka thinrim chu ka la thaw sak sak reng a, ka ṭhianpa erawh chuan min nuihzat ngang mai thung a. In kan thlen thleng pawhin ka lawmlo chu ka lo tum bar reng a, pakhat lah chuan min lo nuih leh rih ṭhin a.

Eirawng pawh ka bawl ta lo "Lo ṭhu mai rawh, khatiang mood nen kha chuan i bawl tui lo vek ang" nui ruh ruh chungin a ti a, ka hnial buai peihlo. 

Steak a siam a a siamtui khawp leh nghal a, ka no ah chuan Wine Bottle pahnih hi a zat leh zatin a rawn thli a Olive rah a thlak a apangah Lemon a rawn tar bawk a, a siamlai chuan Glass no chhunga Wine phuan barh barh chu ka lo en kar a, a tui hmel viau mai.

"In tamlo la a strong ve deuh ania" a tih chuan zawhna mitmengin ka lo en a, "No khat kha a tawk ka tihna anih chu Beer anga intam chi a nilo" a ti leh sup a.

Ka mood chhe bawk nen no khat chu ka thlak nghal pawp a, Olive rah ka ṭhial bap bap lai chuan mak min tih hmel zetin min lo en a "I ta kha enge a hming?" ngaipawimawh lo tak chuan ka ti zui a "Merlot " a tih rualin ka lo ban nghal a. Min dang hmanlo hlauh a  kut erawh a lo phar hman tho.

"Ah..hei hi a tui daih zawk, tinge a tuilo zawk min pek a" lawmlo fe a ka tih chuan a nui hak a.

"Zu tui i in a nih chuan i zawng chhang ka hlau a lawm" a lo ti sam et a avan phakar reuh tak e.

Zanriah kan eizawh hnu chuan tlem chu ka inbelh leh a chu pawh a phallo chungin a ni "I nu bulah insawifiah ka peihlo ania" a lo ti hluk a, ka ngaipawimawhlo nasa tunah phei chuan ka ka chhung Wine rimnam leh thlum dek dek chiah chuan ka ngaihtuahna aluah tawh, ka zangkhai vuk maia ka nuam veng veng maiin ka hria.

Thlanglam darthlalang bulah chuan dingin khawpui pe tuar lam chu ka thlir a alang mawi tak zet a ni, irh ak ak chungin Couch lam chu ka pan a Zeus a phone khawih reng chu ka ngaitheilo.

"Zeze ka haw tawh mai ang" ka ti zawi sap a, ka lam a rawn hawi rang hle.

"Hei hi lo en teh" a kut rawn phar chhuah paha a tih chuan a bulah chuan ka ṭhu thla tharh a, a Phone screen ka hmuh rual chuan ka ner sak a Jade a ni.

Jade chuan Bikini nen chauha a awmna thlalak a lo thawn pek chu niin Thong a la ha zui a a zaktheilo ka ti kher mai.

"Ani ai thlawt chuan Eva pawh ala ṭha zawk daih Jade aichuan Eva ka duhpui zawk che, khatiang zah hrelo lutuk" ka lo ti zui barh barh a.

"Eva chu min duhpui takzet amaw?" min en ran chungin a ti a, chiang taka min en vang chuan min ti zam lek lek a ni.

"Jade aichuan a ṭha zawk alawm" ka ti a, la duhkhawplo hmel zetin minla melh ran a, "Eva aia ṭha zawk an awm angem?" a tih chuan "Awm maithei, i duhloh leh midang zawng la" ka lo ti leh mai a. A mit chu ka lak aṭang chuan ala sawn chuang hauhlo.

"I mipa duh deuh kha aṭha viau em?" a rawn ti leh khauh a, min zawt ve ta ziah lehnghal a, chhan a har thei si.

"Ka hmuh tawh ah a la ṭha ber" ka lo tih chuan a ngawi ran a.

Engmah a sawi zui tak lohah chuan "Haw tawh ila a ṭha ang" thawh mai tuma ka che zui chu a rawn ṭawng leh vang chuan ka lo tawp chawt a "A vannei hle mai" a rawn ti a ni, a thilsawi awmzia chu ka bangbo riau.

"I duhthu i hrilh hunah a vanneih zia ka lo hrilhsak ang che, a chhang ngei bawk ang che" a rawn tih takah chuan ka lo nui hak a.

"Teuh nang a chutiangin a ngailo ang, ani te chu nula nalh tak takin an hualvel a lawm, kei ve mai mai hi chu a duhzawng chi ka nilo min duh dawnlo tih ka chiang lutuk" ka lo ti a.

"Khatiang khan inngai ziah suh, hmeichhe duhawm em em ini tih inhre rawh Joshie" a kuta min rawn banin ka sam chu ka bekah a hui chho a, ka thinphu a rang leh ta zaih zaih mai, ahma aimah khan aletin a rang zawk hialin ka hria, ka Wine in vang a nimaithei.

Thaw dep dep chung chuan a hmelṭha leh pa zet mai chu ka en a, ani pawn min en ve ran  a; a mit chuan ka hmui a rawn melhin ka hria a ka thawk a ti rang sauh.

Ka lamah a taksa lianpui chu a rawn awn riai riai a, min fawp dawn tih hria, ka phura, ka zam a, ka helhhawlh bawk, ka chhang let ang nge ka lo dawh tawp dawn? 

Khai zawhna atthlak lutuk a ni.

Ka hmui a rawn tawh rual chuan ka mar deuh at a, mur sung sungin ka taksa pum hi ka ṭek chhek chhek ni tawh berin ka hria, a hmui chu a nemin in a lum thar thar a, thawk pawh thaw ṭha ngam manglo chuan a darah ka lo vuana, ka kut lehlam chu a tukkhum samah ka rawlhlut bawk a, ka hnarlo tih a hriat rualin uar fe in min rawn fawh chhunzawm a.

A zei kher mai, a lei sa hiam chuan ka hmui rawn nawr kauin ka ka chhungah a chet kual tir a, min van thunun hneh tehlul em, thaw ri ham ham chung chuan a duh thawh zel a keipawn ka chhang let ve ta, kan thil in a thawk ṭha dun bawk a kan chet dan chu ka lo beisei phak baka nuam a ni.

"Joshie nang hian min duh a ni" thawk la hawk chunga a tih chuan chhan ngaihna reng ka hrelo.

@violette