HELLO LOVE goodbye (CH - 5)

HELLO LOVE, GOODBYE - 5

Zeusa Apartment a ka kal chuan sawi mai tur hreloin ka ngawi leh veng veng ṭhin a, chutah ka lam lo hawiin "Zanriah eiturin kan chhuak dawn nge hetah ka kiangah i  ei ang?" tiin min zawt a.

"Zeze....Zanriah eitur in ka lo kallo" ka ti mawl tawp a, chutah mimeng nalh fahrana min enin min rawn hnaih a, "Min ngaih vanga lo kal i nih chiah mai" ka hmuia fawh zauh paha a tih chuan ka nui mai a a sawidik chiah a ni. Eva nen kan inbiak hnu khan ka ngai takzeta, a Practice zawh hun nghakin Cafe ah ka lo awma min rawn lam anih kha, ṭhenna thu sawi dan tur ka ngaihtuah buai em em laipawhin ka ngai ru veng veng reng mai bawk si a, bul kan ṭan ve chauha inthlakhlelhna pawh a nasat laitaka inṭhen nghal chu harsa ka ti a ni.

"Han sawi la?" min en ran chungin a ti a, "Eng maw?" phawk lek lekin ka lo ti thunga, ka thil vei ruk chu a hrethiam nghal anih ka ring rum rum.

"Min ngaihthu chu" nuisuk chunga a lo tih leh chuan lu ka thing ringawt a, "I sawi duh lo chiah maw" tih leh min pawm a rual a, a taksa thlawp zaiha min chawikangin duhthawh zetin min fawp zui a, ka hnar theilo tun dinhmunah hi chuan hnar tur ka ni tih ka inhre tehmeuh mai mahse, ka sawi thei ngang bawk silo a, hrilh rihloh mai chu ka duh leh ta zawk.

Couch a min nghah thlak rual chuan thawk ka la ham ham a, a chetdan chuan min ti vai riai a, nidang zawng aiin ka thlahlel zuala a fawhna lah duhtawk chin ka nei bik lo, a lei lum thar thar chuan ka hmui nawr kauin a kut in ka kawr chhung lam a dap zui a, ka thinphu mumallo lutuk aṭang chuan ka awmdan a tihdanglam nasat zia chu ani pawn a haibik hauhlo ang.

"Zeze..." thawk la hak hak chungin a kut chu ka lo man a, "Sawi rih suh.." nuisuk chunga ti lehin min fawp lehnghal zat a, ka hnute a rawn ṭham rual chhuan thawk ka la ṭha hleithei meuh tawhlo.

Ka Shirt haklai chu hlim chho hrawkin a hmuiin ka nghawng leh awmbawr vel te chu a rawn nul kual dan dan a, ngaihtuahna fim ka hmang thei tawh meuhlo, Eva chu ngaihtuah chhuak ṭhin mahila tuna ka awmdan chuan ka rilru a luah hneh zawk tlat a ni.

"I Sexy lutuk, min tihphur zia hi i hria em?" mitmeng de sar sara min melh lehin ka hmui ah bawk a rawn fawp leh a, ka awmbawr a rawn tham rualin ka lo thaw ri hak a, ani a nui thung.

Zariah eidawn thleng chuan chinlem neilo zetin kan inkuahin kan infawp a, a lakah chuan ka inphalrai  hman teuh kher mai, ka nuin min lo phone ta hlauh a chuti nilo sela chuan ahnua ka inchhir leh vawng vawng na tur thil kan ti ngei dawn tih lah a chiang reng.

"Ka thlah ang che" ka lamah rawn kun hniamin min rawn fawp leh a, "Subway a ṭangin ka haw mai ang, Grocery dawrah ka nuin thil min lo chah a min thlah duh suh" tiin chhuanlam ka siam a, ka nu khan Eva awmna damdawiina a awmthu min lo hrilh a, ka tlawh kawi  leh phawt a ngaidawn a ni.

Tun bak hi chu hetiang hian ka hmu leh thei tawh kher lo maithei, tunah inṭhen thu sawi rihlo mahila ka sawi vat erawh a ngaidawn, min thlah tuma a jacket a hak ṭhat mawlh mawlh laichuan hnunglam aṭangin a kawngah ka va kuah a, ka lama a lo inher rualin min pawm kang nawlh a, duhthawh takin rei ngial chu kan infawp leh a "Kartawpah chiah justin a lo haw dawn a, i duh chuan i riak thei ania" beiseinei zet a atih chuan ka inla hrang leh nghal thuai a.

"Ka theilo tih i hriat kha, ka nu in min vaw hlum duh mai ang" ka tih chuan a nui hak hak a.

Kawngpui thleng min thlah ta tho a, Uber min kohsak hnuah hlim hmel taka a nui sang chu ban ka vai liam a, ka rilru a hrehawm ṭeuh reng a ka ṭhiante pahnih inkarah duhthlan ngai chuan min ti chau nghulh thei bawk.

Ka Bestfriend Eva eng laia pawha ka kawppui nireng ṭhin a ni a, Zeus ka ṭhian leh ka ngaihzawng ni bawk kha, ka tan an hlu ve ve duhthlan zawk tur pawh ka hre lo mahse loh theihlohin Eva ka thlan a ngai, Zeus chu ka chan anga kan inṭhian ṭhatna te pawh chan tel vek mahila a ni chu a hlim leh thei mai dawn a Eva erawh chutiang chu a ni ve silo.

Eva ka chan anih chuan he khawvel ata ka chân hlen mai ang tih ka hlau a ni, chutiang a thleng anih chuan ka inthiam thei ngai hauhlo ang.

Damdawiin ka thlen chuan kawtah ka nuin min lo nghak a, Eva awmna cabin kan luh laichuan khumah a lo ṭhu a min hmuh veleh hlim hmelpu chungin min lo ban a, keipawn ka lo kuah ve vat a, ka inthiamlo ru kher mai. Zingah khan a bulah ka intiam a nikhat pawh aliam hmain ka bawhchhe leh mai chu ania.

Zanah Zeus nen kan inbia a chutah pawh chuan sawi ka tum leh ah "Zeze thil enge maw sawi duh ka nei a" ka tih laimekin "Joshie naktukah ka haw lawk angai dawn a, ka nu a damlo a, ka nau chiah a awm si a" tiin min lo ṭawng khalh a, ka ṭhulh leh ta rih, a nu a damlo a a rilru chiai laia inṭhen thu lo sawipui ka thei biklo.

"Avan pawi ve ka nu ka lo hrilh anga Airport thleng ka lo thlah ve dawn che nia" ka ti ta zawk a.

Ka nu ka hrilh chuan i he loin min lo phalsak a, Aunty Shanon chu Phone-in a chanchin a zawt zui a ani pawh damdawiinah a lo awm ve a inzai hial alo ngaia ka nu pawn angaihtuah ve ngang mai.

Zing hma takah Zeus chu alo thleng a, Airport kan thlen hma chuan ka kut a vuan reng a, a hmel ngui tak chu hmuh a hrehawm takzet, ka theihtawkin ka ṭawng thlamuan ve a a rilru chiai ve ngang aniang tukverh lam hawiin a hmai a tuai leh ṭhin a, a awmdan chuan min ti hrehawm hle a ka khawngaih em em bawk.

Airport ah chuan kan inkuah vawng vawng a "Ka ngai ngawt ang che, zantin ka lo bia ang che" tiin min fawp leh vawng vawng a, a kalliam tur chu lungchhe zetin ka thlir a, ka ngai nghal vawng vawng mai, alo let leh hunah chuan  tun ang hian kan awm thei tawh kherin ka ringlo.

Damdawiin aṭangin Eva alo chhuak a, kartluanin ka bulah a tap a, Zu a ina a rui fo a a rilru ala damlo tih ka hriat avangin tih hlim hram hram ka tum a chuti chung chuan keimah ber pawh chu ka hlim bik chuanglo.

Kan ina a lo riah ṭhin avangin Zeus pawh ka be mumal lo a, Eva awm ve laia min lo Phone chang chuan hlauhthawnna hlirin ka khat ṭhin. A Phone call ka chhang ngailo chu a lungawilo hle bawk.

Kar hnih zet a thang hnuah a lo let leh chuan inṭhen ka duh thu chu ka lo hrilh a, a hmel pawh ka en ṭha ngamlo. "Engvang nge, tih sual ka nei em ni?" tiin min zawt a, ka lu ka thing ringawt thung.

"Joshie, chhan mumal neilo in inṭhen i duh a maw, kan inkar tihtawp i duh  anih chuan chhan enge maw chu i nei ngei tur a ni" a zawhna chu "Chhan ṭha tak ka nei" tih zawngin ka chhang a, a chhan erawh ka sawi duhlo. Thinrim tak chungin min kalsan a, class a kan inhmuh leh chuan inbe loin kan inkalpel a Eva nen kan inzui chawt danah chuan a hrethiam ve thoin ka ring.

"Joshie, i thutiam angin i awm a ka lawm lutuk" Eva thilsawi chu nuihpui a har kher mai. 

Zirtawpni chawhnu ah library a ka kal tur chu hnunglama tangin bantha chak zet hian min pawt let sawk a, Zeus a ni!

"Zeze..." ka ṭang deuh a, engmah sawi loin ani lah chuan min pawt kal hlawk hlawk a, Chemistry lab chhungah min pawt lutin dimlo zetin bangah min nam bet a "Kha nu phiangsen Eva vang kha ani tiraw?" vin zetin a ti nghal hluk a.

"Aih" ka ti tak nain ka aw chu a zawi kher mai.

"Dawt sawi suh" a ti vin leh ṭhawt a. Eva hming lamin ṭawngkam chhe zet a phuh chhuak nghal hluk bawk.

"Kan tawp hi aṭha zawk kan vai atan" keiin ka lo ti thung, chutah ka inrin hma hauhin ka hmui a rawn fawp a, ka tal zui chu min pawm betin bangah chuan min nawr bet a a thinrim chu a inhrosa niberin ka hria, ka kawr hlimin ka awm a rawn ṭhama keiin a kut ka lo dang mahse, tha kan inngah hleih lutuk tlat. 

"Hetiang hian tisuh Zeze" ṭap ṭeuh chunga ka tih takah chuan a tawp ve ta hram a, ka darah vuanin ka chal a rawn tauh dawta "Ka hmangaih che asin" zawi supin a ti a, min fawp zui leh bawk. Ka hnar theilo keipawn ka hmangaih a ni. 

"Kan inṭhen tur a nilo, ka ṭhen theilo ang che Eva chu keiman ka bia ang" thawk la ham ham chungin a ti a, "I be thei lo ang Eva chu ka ṭhian ania ka hre chiang alawm" ka tih pawhin "Ka bia ang" a lo ti chang bul a, a hnial theih luih theih hauhloh.

Zanah chuan alo bia ni ngei tur a ni, Eva chuan min lo Call a "Zeus hi ka haw lutuk, mihring sual tak tawngkam kha tak nei anih hi thi mahila pawi tihna a nei lo reng reng be tawh miah suh i biak leh chuan nang pawh ka haw ngawt ang che" a lo ti nghal bawrh bawrh a, Zeus a biakna chuan thil a ti punlun zual ting mai.

A tukah chuan nilengin Eva chu ka bulah a awm a, Movie kan en duna Phone ka khawih hlek chuan chîk zetin min lo en ṭhin a min veng ni ta berin ka hria.

Zanah Diana-i Party a kal a rawt a, ka nuin min phalsak avangin phurlo tak chung chuan ka insiam a, Eva erawh a phur hle thung. Car alo kenga Diana-i Apartment kan panlai chuan "Hmelhriat tir tur che ka nei a, mipa fel deuh mai ania in inmil khawp ang" nui var var chungin a ti a.

"Mipa ṭhian ka mamawh hleinem" ka lo tih chuan "Ahh..ṭhian tur anilo, i hmuh hunah chuan i rilru i thlak khawp ang" a lo ti leh hram a.

Kan thlen chuan mi an lo tam khawp mai, Jade leh Nicholai te pawh ka hmu a, Zeus a awm ve ngei ka rin vangin kil khatah chuan ka tawlh leh hrat hrat ṭhin a "Beer i duh em?" tih pahin Eva chuan min kalsan a, a lo let chuan Beer umhnih alo keng a pakhat chu min pe a ka lo hnar biklo. 

"Kan haw har theilo ania" ka lo tih chuan a ner nang a, Jade in kan piah deuh aṭang chuan ban minlo vai zauh a "Lo kal rawh" tih leh Eva chuan min pawh a rual a.

"In va tlai ve" Jade aw chu a ruih hmel viau tawh, Diana leh a bialpa in min lo pawh ve thuai a, Music a beng chhen avangin an ṭawng ka hre mumal theilo a ka Beer ken lai chu ka in sek reng ringawta ka rilru chu ahmanhmawh ru ngang mai. Zeus ka hmuh mawlh ka hlau.

Hlauh ang ngeiin rei pawh kan ṭhut hmain a lo langa, Nicholai leh Justin an anlo zui bawk. Zeus hmel ahmuh veleh ah Eva chuan min ṭhuthnaiha ka ep chiaha Zeus ṭhu nen chuan an in melh rum nghal viau mai bawk a, boruak an ti nuamlo zo vek lehnghal.

"I lo kal ve pawh ka ringlo a" Zeus an atih chuan ka lo nuih mawl tawp a "Ka sawm a lawm" Evan alo tih chuan Eva chu en duh loin min melh ngar a, "Beer i in ve maw" nuisuk chunga alo tih chuan Eva bawk chuan "Ka pe a lawm" a lo tih leh a, Eva en duhlo a keimah ringawt min en chuan awm a ti nuamlo, Eva lah a lawmloh zia a hmelah a lang viau tawh.

"Lo kal teh" tih leh Eva chuan min pawh thawh a rual a, Zeus a hmel ner sawk chu ka hmuh hmaih lo. Mipa ṭhenkhat lo dinna lamah chuan min kai pheiin min hnung chhawn zawnga ding mipa sangṭha zet darah chuan a beng thawk a, chupa chu lo hawiin phawk lek lek hian min en a, Eva hmel a hmuh erawh chuan a landan a thlak vat thung.

"Jaiden a nih hi, chuan jaiden hei hi ka sawi tawh kha Joshie ka Bestfriend" tiin min hmelhriat tir a, Jaiden chu mipa tisen lam deuh mitmu rawng pawl hmelchhe lemlo tak a ni. Min chibai a keipawn ka chibai ve mai a a ṭawngkam pawh a felfaiin a hawihhawm reuh khawp mai.

Kan school a kal ve anilo a, college kallai Diana i ṭhianhnai tak a ni. Ka number min dila a ṭhianten an nuih dar dar chung pawhin Cool zet mai hian a awm a, kan in hreve chauh si a Number inpek nghal mai chu ka hreh deuh a, Eva in pe turin min lo nghawk zauh zauh reng bawk si avangin ka pe ta tho a, chumi hnuah a fala inbe turin Eva chuan min kalsan zui a, a nuamlo ru duh kher mai.

Pawn Balcony ah kan inzui chhuak a, zawhna ho te te min zawta a Polite in biak a nuam viau zel a a ṭawng hmasa ah a ṭang zel bawka ka kawm ngeih tak tur chi a ni.

"A vawt i ti em?" tih leh ka Beer ken lai chu min laksak a rual a, thli a thawt heuh heuh reng avangin boruak chu a vawt ve lek lek a, "Vawt lo e" ka tih laimek chuan a jacket phelhin min lo pe a, "Angailo a vawt lo" tih paha pek let leh mai ka tum chu "Ha rawh, nakinah min pe leh dawn ania" a lo ti ve tlat a. 

Awmnuam zanlo chuan ka ha ta tho a, chutah ka kawr nghawng chu ainbilhlut fuhlo nge ni minlo siam ṭhat sak mawlh mawlh a, min rawn dinhnaih avangin kan inmelh hnai hle a, a Wine in rim te pawh ka hre pha hial.

"I duhawm hle mai" nuisuk chunga a tih chuan min ti zak lek lek a ni.

Chutah rawn kun hniam thut in ka biangah a rawn fawp zauh a, min ti hamhaih kher mai! Hnai set sawtah kan inmelh a, thinrim tur nge nuih tur pawh ka hrethiamlo ka meng phawk hle ringawt.

"Engthil nge khatah khan i tih?" pawr zeta tih ri ka hriat rual chuan ka hawichhuak zawk a Zeus a ni!

Kan lampana rawn pen phei hlawk hlawkin ka Jacket haklai chu a rawn pawt hlip nghal hrawk a, a rawn chet dan chuan tun maia thil thleng aikhan minti hamhaih zawk!

"Zeze...enteh.. hei.." ka tih lai chuan Jacket chu Jaidena awmah a nambet rawka "Ka bialnu anih hi thlawk bo rawh" vin hluk in a ti a, Jaiden hawihai hmel chu ka melh ṭha ngamlo ka zak kher mai. 

"Zeus" hnung lam aṭanga hmeichhe aw in a lo tih leh chuan kan hawi rual zawta, Diana, Jade leh Eva te an ni.

"Jaiden hi ka ṭhian a nih hi, LA aṭangin vawinah a lo thleng ve chiah a" boruak bengdaih tum takin Diana chuan a ti a, "Anih chuan i mikhual hi hrilh rawh ka bialnu hi lo hnaih tum buai duh suh se" Zeus chuan a lo ti leh hmuk mai a, Jaiden chuan Eva leh Diana chu a en tawn sek reng ringawt a, Zeus lah chuan ka banah min pawt bet tlat mai bawk si, kan boruak chu a fuhlo vel vek a ni.

"Joshie kha i bialnu a nilo" Eva chuan a lo ti ve ta chiah a, duh aiin thil a kal thui dawn tlat.

"Sawi ve tur i neilo, keiin ka sawi chuan ka bialnu a ni mai" Eva hmel en chhuk ngar chungin Zeus chuan a ti leh hmiah. "A...min lo hrethiam teh u, ṭhiana i bialnu ani tih ka lo hrelo a, ka thiamloh ni teh se" Jaiden chuan a lo ti a, ka lo thaw huai hman a mahse, Zeus chu ala inthlahdul duh mai lo "Min zui rawh ka rualin i haw ang" tih leh min pawh a rual a, chuveleh kan hmaah Eva alo dinga "Joshie hian a ṭhen tawh che, a duhlo chung i hruai lo ang" hmai zangthal haw a Zeus a hmel en chung chuan a lo ti ve leh mauh mai.

Kan awmdan chu a thaw ipik thlak takzet a ni, Zeus a min chelhna chu phelh mai ka tuma min la chelh nghet sauh sauh zui mai si a, a thinrim hle tih lah a mitmengah a lang reng mai bawk si. 'Hriatthiam tum hram teh Zeze' ka rilruin ka ti mawlh mawlh a, ka mitmengin ka hrilh bawk mahse, engmah lah chu a hrethiam duh bawk silo.

"Joshie, i ṭhen tawh a ni lawmni?" Eva chuan keimah zawk min lo ena, chhan dan tur ka hrelo ka dang a ro zo vek tawh.

"Thlawk bo rawh" Zeus chuan a ti leh hluk a, Eva chuan keimah min melh ngawt ngawt a, a mittui ahnam ṭiam ṭiam bawk. Min ti â thei hlawm takngial dawn.

"Min chhang rawh Joshie?"

"Kal ang" pakhat lah chuan alo ti chang bul bawk a, ti nge maw hemi te pahnih hian dinhmun laklawh zetah hian min dah reng mai le.

Thawk la hawk chungin Zeus a min chelh na chu ka pelh ka tum leh a, a sak ṭalh mai, an tih dan hi ka ning zozai tawh a ni.

"Zeus castillo ka kut hi thlah rawh" ka ti chhuak ta hram a, a hmel chu ngen ngawl zetin ka en bawk. "Aih" bung zeta a lo tih chuan Eva chuan "Thlah vat rawh" a lo ti vin hlar a, ben mai duh hmelpua Eva a en takah chuan thil a kal fuh dawnlo tlatin ka hria.

"Zeus ka ṭhen tawh che, ka kut hi thlah rawh " ka ti nawn leh ta.

"I chiang maw?" seh chilh rap chungin hnai set sawtah min en a, a aw leh a hmel zawng zawngah a lungawiloh zia chu alang thei hial.

"Ka sawinawn leh ang ka ṭhen tawh che" ka sawi zo chiah chu min thlah chiang kher asin, ka kut athlah ruala ka pai nawk chu za lo zeta nui hawk chungin min en a "Hetianga awm tur hi i nilo a sin" tih zawng a sawi a, chak zetin inchhung lamah a penlut zui hlawk hlawk a, tunah tak hian ṭah chiam mai ka chak ber.

Eva chuan min lo chelh vat a, a hmel chu en pawh la en peihlo, amah pawh chu ka haw hlur a ni.